 முதல்வர் கலைஞரை சந்தித்து ஆசி பெற்று திரும்பியிருக்கிறது பாண்டிராஜ் படத்தின் புதிய டீம். இப்படத்தில் முதல்வரின் பேரன் அருள்நிதி ஹீரோவாக அறிமுகம் ஆகிறார். |
|
இப்படத்தின் பாடல்களை முதலில் தாத்தா கேட்க வேண்டும் என்று ஆசைப்பட்டாராம். அவரது ஏற்பாட்டின் பேரில் இப்படக்குழுவினர் முதல்வரை சந்தித்தார்கள்.
 ஏ.ஆர்.ரஹ்மான் கூட்டணியில் இருந்த வந்த தாஜ்நு£ர் என்பவர்தான் இப்படத்தின் இசையமைப்பாளர். மூன்று பாடல்களை ஆற அமர கேட்டு ரசித்த முதல்வர், ஒரு கட்டத்தில் தன்னையறியாமல் தாளம் போட்டு ரசித்தார் என்கிறார்கள் இப்படக்குழுவினர். சில பாடல் வரிகளை கேட்டுவிட்டு “யார் எழுதிய பாட்டு இது?” என்றாராம். பிறகு இந்த பாடல் எந்த சூழ்நிலையில் பாடப்படுகிறது என்றும் கேட்டாராம். படத்தின் கதையை மிக சுருக்கமாக சொன்ன பாண்டிராஜ், பாடலுக்கான சூழ்நிலையை மட்டும் விபரமாக விளக்கினாராம்.
இது ஒருபுறம் இருக்கட்டும்… பாண்டிராஜ் படத்தில் முதல்வரின் பேரன்தான் ஹீரோ. ஹீரோயின் யாராம்? நகுல் பேவரைட்டான சுனைனாவேதான்! இப்படம் வெளிவந்தால் சுனைனாவின் வெற்றி இமேஜ் இன்னும் பலப்படும் என்பதில் சந்தேகம் என்ன?
|
